Alaqanqal yağı (Silybum Marianum oil)

Alaqanqal yağının tərkibindəki əsas aktiv maddə, güclü antioksidant təsirə malik flavonoidlər komplesi olan  – Silimarindir. Silimarin indiyədək elmə məlum olan yeganə təbii birləşmədir ki, qaraciyər hüceyrələrini yad təsirlərdən qorumaq və onun funksiyasını bərpa etmək qabiliyyətinə malikdir. Bu unikal komponent orqanizmi zərərli maddələrdən təmizləyir və bu zaman qidalı maddələrin bədəndə saxlanmasını təmin edir. Alaqanqal yağı xolangit, xroniki hepatitlər, sirroz və müxtəlif etiologiyalı qaraciyər zədələnmələri zamanı qəbul edilir.

Qəbul qaydası: Gündə 1 çay qaşığı x2 dəfə, yeməkdən 30 dəqiqə əvvəl, susuz. 1 ay qəbul etdikdən sonra, 1 həftə fasilə verib, yenidən başlamaq olar.

Kulinariyada: Alaqanqal yağı tərəvəzli yeməklərə və salatlara, sıyıqlara əlavə edilir.

Kosmetologiyada: Alaqanqal yağı quru, qabıq bağlayan həssas dərilərə təyin edilir. Tövsiyə olunur ki, azca isidilmiş yağ üz, boyun və dekalte zonasının dərisinə çəkilsin və 30 dəqiqə sonra isti su ilə yuyulsun. Həmçinin, bu yağ antisellülit təsirə malik olduğundan, bədənin müvafiq nahiyələrinin masajı üçün də geniş istifadə edilir. Alaqanqal yağının daha bir kosmetoloji xüsusiyyəti onun saçlara möhkəmlik və parlaqlıq verməsidir. Buna görə Alaqanqal yağı saç maskaları və balzamlarının hazırlanmasında geniş istifadə edilir.